Multimeter Vs Scope

ម៉ាល់ទីម៉ែត & អូស៊ីយ៉ូស្កូប

---

Portable Oscilloscope & Digital Multimeter

ភាពខុសគ្នារវាង អូស៊ីយ៉ូស្កូប (oscilloscope) និង ម៉ាល់ទីម៉ែតឌីជីថល (digital multimeter (DMM)) អាចប្រៀបធៀបដូចជា រូបភាព និង លេខ ។

ម៉ាល់ទីម៉ែត (DMM) គឺជាឧបករណ៍ សម្រាប់វាស់បានយ៉ាងច្បាស់លាស់ សញ្ញាដាច់ពីគ្នា (discrete signals), អាចអានលេខបានចាប់ពី 8 ខ្ទង់ឡើងទៅ សម្រាប់រង្វាស់ តង់ស្យុង (voltage), អាំងតង់ស៊ីតេចរន្ត (current) ឬ សញ្ញាហ្រ្វេកង់ (signal frequency) ។

ក៏ប៉ុន្តែ ម៉ាល់ទីម៉ែត (DMM) មិនអាចបរិយាយការមើលឃើញ ទំរង់រលកសញ្ញា (waveforms) ហើយបង្ហាញកម្លាំងរបស់វា, មិនអាចមើលឃើញ រូបរាងរលកសញ្ញា (wave shape) ឬ តំលៃកើតឡើងលឿនភ្លាមៗ (instantaneous value) នៃរលកសញ្ញា ។

អូស៊ីយ៉ូស្កូប ឬ ស្កូប (scope) បំពាក់មុខងារបន្ថែមពត៌មាន ដើម្បីការអានជាលេខ (numeric readings) នៃឧបករណ៍ ម៉ាល់ទីម៉ែត (DMM) ។ នៅពេលបង្ហាញ តំលៃលេខ រលកសញ្ញាមានល្បឿនលឿន (wave instantaneously) ហើយស្កូប ក៏អាចបង្ហាញអំពីរូបរាងរលកសញ្ញា (wave shape) បូករួមបញ្ចូល នូវអំព្លីទីតតង់ស្យុង (amplitude (voltage)) និង ហ្រ្វេកង់ (frequency) ។

ជាមួយមុខងារបង្ហាញពត៌មាន (visual information) រលកសញ្ញាបណ្ដោះ អាសន្ន (transient signal) ដែលអាចបង្កការគំរាមកំហែង ទៅប្រព័ន្ធអេឡិចត្រូនិច អាចបង្ហាញ (displayed), រង្វាស់ (measured), និង ផ្ដាច់ចេញ (isolated) ដោយប្រើឧបករណ៍ស្កូប (scope) ។

ឧបករណ៍ស្កូប អាចបង្ហាញជាលក្ខណៈក្រាហ្វិក (graphically) អំពីភាពខុសគ្នា (distortion) និង សម្លេងរំខាន (noise) ដែលអាចកើតមាន នៅក្នុងសញ្ញាណ អគ្គិសនី ។

ប្រើ ស្កូប (scope) ប្រសិនអ្នកត្រូវការ បរិមាណ (quantitative) និង គុណភាព (qualitative) នៃរង្វាស់អគ្គិសនី ។

ប្រើ ម៉ាល់ទីម៉ែត (DMM) ប្រសិនអ្នក ត្រួតពិនិត្យតំលៃជាក់លាក់ នៃ តង់ស្យុង (voltage), ចរន្តអគ្គិសនី (current), រ៉េស៊ីស្តង់ (resistance) និងប៉ារ៉ាម៉ែត អគ្គិសនីមួយចំនួនទៀត (electrical parameters) ។

Oscilloscope vs Multimeter

---

Textbooks by Fluke Corporation, world leader in manufacturer, distribution and service of electronic test tools and software
Prepared by Tiv Dararith, Mechanical Engineer at Institute of Technology of Cambodia

Oscilloscope

អូស៊ីយូស្កូប

---

Digital oscilloscope

ពេលបច្ចុប្បន្ន អ្នកបច្ចេកទេសឡាន ប្រើឧបករណ៍ស្កូបឌីជីថល (digital scope) ដើម្បីវាស់ទំរង់រលក នៃសញ្ញាណអគ្គិសនី (waveform) ជាឧទាហរណ៍ ចលនាតង់ស្យុង ដែលគ្រប់គ្រង ប្រពន្ធ័បាញ់ឥន្ធនៈ (fuel injection system) ។ល។

សញ្ញាតង់ស្យុង (voltage signals) ដែលបញ្ជា ឧបករណ៍អេឡិចត្រូមេកានិច (electro-mechanical devices) គឺពិបាកតាមដាន និងជាកម្លាំង មើលមិនឃើញ ដោយភ្នែក (unseen force) ។
តើអ្នកអាចត្រួតពិនិត្យកម្លាំងមើលមិនឃើញទាំងអស់នោះ ដូចម្ដេច ?

អូស៊ីយូស្កូប ឬ គេតែងហៅថា ស្កូប (scope) អាចធ្វើតេស្ត និង បង្ហាញ សញ្ញាតង់ស្យុង ជាទំរង់រលក (waveforms), ការបង្ហាញឲ្យឃើញច្បាស់ នៃបម្រែបម្រួលតង់ស្យុង ។ សញ្ញាត្រូវបានបង្ហាញឡើង នៅលើអក្ស័ (graph) ដែលវាប្រាប់អំពីបម្រែបម្រួលសញ្ញាតង់ស្យុង ។ អក្ស័បញ្ឈរ (Y) បង្ហាញអំពី រង្វាស់តង់ស្យុង (voltage measurement) និងអក្ស័ផ្ដេក (X) បង្ហាញអំពី រយៈពេល ។

អក្ស័ដែលបង្ហាញដោយឧបករណ៍ស្កូប (scope) អាចបង្ហាញអំពី ពត៌មានសំខាន់ដូចជា ៖

• សញ្ញា តង់ស្យុង (voltage) និងអាំងតង់ស៊ីតេចរន្តអគ្គិសនី (current) ក្នុងពេលប្រតិបត្ដិឧបករណ៍ប្រើចរន្តអគ្គិសនី
• សញ្ញាខុសប្រក្រតីផ្សេងៗ (signal anomalies)
• គណនាហ្រ្វេកង់ (frequency) សញ្ញារំយោល (oscillating signal) និងសមីការហ្រ្វេកង់មួយចំនួនទៀត (any variations in frequency)
• សញ្ញាផ្សេងៗទៀត រាប់បញ្ចូលទាំង សញ្ញាសម្លេងរំខាន (noise signal)

មកដល់សព្វថ្ងៃ គេប្រើឧបករណ៍ស្កូបឌីជីថល (digital oscilloscopes) ដែលឧបករណ៍ប្រភេទនេះ អាចរៀបរាប់ អំពីរង្វាស់នៃសញ្ញាផ្សេងៗ បានជាក់លាក់ (accurate signal measurements), ល្បឿនគណនាលឿន (fast calculations), មានសមត្ថភាពផ្ទុកទិន្នន័យ (data storage capabilities) និងធ្វើការវិភាគដោយស្វ័យប្រវត្តិ (automated analysis) ។

BSL008 Fluke 125 Industrial ScopeMeter

---

Textbooks by Fluke Corporation, world leader in manufacturer, distribution and service of electronic test tools and software
Prepared by Tiv Dararith, Mechanical Engineer at Institute of Technology of Cambodia

Digital Multimeter

ម៉ាល់ទីម៉ែតឌីជីថល

---

How To Use Digital Multimeter – Fluke 17B+

ម៉ាល់ទីម៉ែតឌីជីថល

ម៉ាល់ទីម៉ែត (Multimeter) ជាឧបករណ៍អេឡិចត្រូនិច រួមបញ្ចូលគ្នា នូវមុខងារ ជាច្រើន នៅក្នុងការវាស់ តង់ស្យុង (voltage), អាំងតង់ស៊ីតេចរន្តអគ្គិសនី (current) និងរ៉េស៊ីស្តង់ (resistance) គិតជា វ៉ុល (V), អំពែរ (A) និង អ៊ូម (Ohm) ។  ម៉ាល់ទីម៉ែតមាន 2 ប្រភេទ ដូចជា ៖

• ម៉ាល់ទីម៉ែតអាណាឡូក (Analog Multimeter)
• ម៉ាល់ទីម៉ែតឌីជីថល (Digital Multimeter (DMM))

គោលការណ៍នៃការប្រើប្រាស់ ម៉ាល់ទីម៉ែតឌីជីថល (Digital Multimeter) ត្រូវបានគ្រប់ដណ្តប់ លើការងារជាច្រើនក្នុងប្រពន្ធ័អេឡិចត្រូនិច ជាពិសេស ប្រពន្ធ័អេឡិចត្រូនិចឡាន ។ អ្នកបច្ចេកទេសឡានត្រូវតែប្រើប្រាស់ Digital Multimeter  ដើម្បីស្វែងរកបញ្ហាផ្សេងៗ (troubleshooting) ដូចជា ឆែកខ្សែភ្លើង វាស់រ៉េស៊ីស្តង់ វាស់កំរិតសាកអាគុយ (battery state of charge) និងការងារជាច្រើនទៀត ។ល។

ម៉ាល់ទីម៉ែតឌីជីថលមួយចំនួន ត្រូវបានបំពាក់មុខងារបន្ថែម ដូចជា Auto Range និងម៉ាល់ទីម៉ែតឌីជីថល ខ្លះទៀតអាចប្រើប្រាស់សំរាប់វាស់ស៊ីតុណ្ហភាពក៏បាន ។

មូលដ្ឋានគ្រឹះ និងសញ្ញាផ្សេងៗនៃម៉ាល់ទីម៉ែតឌីជីថល

Main Display

Secondary

Convenience

Specialized

ចុចទីនេះ Digital Multimeter Dial

ចុចទីនេះ Digital Multimeter Jacks

ចុចទីនេះ Digital Multimeter Buttons

---

Textbooks by Fluke Corporation, world leader in manufacturer, distribution and service of electronic test tools and software
Prepared by Tiv Dararith, Mechanical Engineer at Institute of Technology of Cambodia